Dedens mon Livre de Pensee

Dedens mon Livre de Pensee, J'ay trouvé escripvant mon cueur La vraye histoire de douleur, De larmes toute enluminee, En deffassant la tresamee Ymage de plaisant doulceur, Dedens mon Livre de Pensee. Helas ! ou l'a mon cueur trouvee ? Lez grossez gouttez de sueur Lui saillent, de peinne et labeur Qu'il y prent, et nuit et journee, Dedens mon livre de Pensee.