La solitude

(1617) O que j'ayme la solitude ! Que ces lieux sacrez à la nuit, Esloignez du monde et du bruit, Plaisent à mon inquietude ! Mon Dieu ! que mes yeux sont contens De voir ces bois, qui se trouverent A la nativité du temps, Et que tous les siècles reverent, Estre encore aussi beaux et vers, Qu'aux premiers jours de l'univers ! Un gay zephire les caresse D'un mouvement doux et flatteur. Rien que leur extresme hauteur Ne fait remarquer leur vieillesse. Jadis Pan et ses demi-dieux Y vinrent chercher du refuge, Quand Jupiter ouvrit les cieux Pour nous envoyer le deluge, Et, se sauvans sur leurs rameaux, A peine virent-ils les eaux. Que sur cette espine fleurie Dont le printemps est amoureux, Philomele, au chant langoureux, Entretient bien ma resverie! Que je prens de plaisir à voir Ces monts pendans en precipices, Qui, pour les coups du desespoir, Sont aux malheureux si propices, Quand la cruauté de leur sort, Les force a rechercher la mort ! Que je trouve doux le ravage De ces fiers torrens vagabonds, Qui se precipitent par bonds Dans ce valon vert et sauvage ! Puis, glissant sour les arbrisseaux, Ainsi que des serpens sur l'herbe, Se changent en plaisans ruisseaux, Où quelque Naïade superbe Regne comme en son lict natal, Dessus un throsne de christal ! Que j'ayme ce marets paisible ! Il est tout bordé d'aliziers, D'aulnes, de saules et d'oziers, À qui le fer n'est point nuisible. Les nymphes, y cherchans le frais, S'y viennent fournir de quenouilles, De pipeaux, de joncs et de glais ; Où l'on voit sauter les grenouilles, Qui de frayeur s'y vont cacher Si tost qu'on veut s'en approcher. Là, cent mille oyseaux aquatiques Vivent, sand craindre, en leur repos, Le giboyeur fin et dispos, Avec ses mortelles pratiques. L'un tout joyeux d'un si beau jour, S'amuse à becqueter sa plume ; L'autre allentit le feu d'amour Qui dans l'eau mesme se consume, Et prennent tous innocemment Leur plaisir en cet élement. Jamais l'esté ny la froidure N'ont veu passer dessus cette eau Nulle charrette ny batteau, Depuis que l'un et l'autre dure ; Jamais voyageur alteré N'y fit servir sa main de tasse ; Jamais chevreuil desesperé N'y finit sa vie à la chasse ; Et jamais le traistre hameçon N'en fit sortir aucun poisson. Que j'ayme à voir la décadence De ces vieux chasteaux ruinez, Contre qui les ans mutinez Ont deployé leur insolence ! Les sorciers y font leur savat ; Les demons follets y retirent, Qui d'un malicieux ébat Trompent nos sens et nous martirent ; Là se nichent en mille troux Les couleuvres et les hyboux. L'orfraye, avec ses cris funebres, Mortels augures des destins, Fait rire et dancer les lutins Dans ces lieux remplis de tenebres. Sous un chevron de bois maudit Y branle le squelette horrible D'un pauvre amant qui se pendit Pour une bergère insensible, Qui d'un seul regard de pitié Ne daigna voir son amitié. Aussi le Ciel, juge équitable, Qui maintient les loix en vigueur, Prononça contre sa rigueur Une sentence epouvantable : Autour de ces vieux ossemens Son ombre, aux peines condamnée, Lamente en longs gemissemens Sa malheureuse destinée, Ayant, pour croistre son effroy, Tousjours son crime devant soy. Là se trouvent sur quelques marbres Des devises du temps passé ; Icy l'âge a presque effacé Des chiffres taillex sur les arbres ; Le plancher du lieu le plus haut Est tombé jusques dans la cave, Que la limace et le crapaud Souillent de venin et de bave ; Le lierre y croist au foyer, A l'ombrage d'un grand noyer. Là dessous s'estend une voûte Si sombre en un certain endroit, Que, quand Phebus y descendroit, Je pense qu'il n'y verrroit goutte ; Le Sommeil aux pesans sourcis, Enchanté d'un morne silence, Y dort, bien loing de tous soucis, Dans les bras de la Nonchalence, Laschement couché sur le dos Dessus des gerbes de pavots. Au creux de cette grotte fresche, Où l'Amour se pourroit geler, Echo ne cesse de brusler Pour son amant froid et revesche, Je m'y coule sans faire bruit, Et par la celeste harmonie D'un doux lut, aux charmes instruit, Je flatte sa triste manie Faisant repeter mes accords A la voix qui luy sert de corps. Tantost, sortant de ces ruines, Je monte au haut de ce rocher, Dont le sommet semble chercher En quel lieu se font les bruïnes ; Puis je descends tout à loisir, Sous une falaise escarpée, D'où je regarde avec plaisir L'onde qui l'a presque sappée Jusqu'au siege de Palemon, Fait d'esponges et de limon. Que c'est une chose agreable D'estre sur le bord de la mer, Quand elle vient à se calmer Après quelque orage effroyable ! Et que les chevelus Tritons, Hauts, sur les vagues secouées, Frapent les airs d'estranges tons Avec leurs trompes enrouées, Dont l'eclat rend respectueux Les vents les plus impetueux. Tantost l'onde brouillant l'arène, Murmure et fremit de courroux Se roullant dessus les cailloux Qu'elle apporte et qu'elle r'entraine. Tantost, elle estale en ses bords, Que l'ire de Neptune outrage, Des gens noyex, des monstres morts, Des vaisseaux brisez du naufrage, Des diamans, de l'ambre gris, Et mille autres choses de prix. Tantost, la plus claire du monde, Elle semble un miroir flottant, Et nous represente à l'instant Encore d'autres cieux sous l'onde. Le soleil s'y fait si bien voir, Y contemplant son beau visage, Qu'on est quelque temps à savoir Si c'est luy-mesme, ou son image, Et d'abord il semble à nos yeux Qu'il s'est laissé tomber des cieux. Bernières, pour qui je me vante De ne rien faire que de beau, Reçoy ce fantasque tableau Fait d'une peinture vivante, Je ne cherche che les deserts, Où, resvant tout seul, je m'amuse A des discours assez diserts De mon genie avec la muse ; Mais mon plus aymable entretien C'est le ressouvenir du tien. Tu vois dans cette poesie Pleine de licence et d'ardeur Les beaux rayons de la splendeur Qui m'esclaire la fantaisie : Tantost chagrin, tantost joyeux Selon que la fureur m'enflame, Et que l'objet s'offre à mes yeux, Les propos me naissent en l'ame, Sans contraindre la liberté Du demon qui m'a transporté. O que j'ayme la solitude ! C'est l'element des bons esprits, C'est par elle que j'ay compris L'art d'Apollon sans nulle estude. Je l'ayme pour l'amour de toy, Connaissant que ton humeur l'ayme Mais quand je pense bien à moy, Je la hay pour la raison mesme Car elle pourroit me ravir L'heur de te voir et te servir.